Төвийн хүний нөөцийн төлөвлөлт хийх, чадварлаг, мэргэшлийн, ёс зүйтэй эмч, ажилтныг сонгон шалгаруулах, төвийн ажилтнуудын мэдлэг, ур чадварыг хөгжүүлэх, нийгмийн баталгааг сайжруулах, цалин урамшууллыг нэмэгдүүлэх, алба, тасгийн хүний нөөцийн хуваарилалтыг батлагдсан орон тоо, төсөвтэй уялдуулан оновчтой зохион байгуулах, байгууллагын соёлыг сайжруулах үйл ажиллагааг хариуцна.

Албан тушаалтны мэдээлэл

Байгууллагын жилийн төсвийг нотолгоонд суурилж төлөвлөж үйл ажиллагааг хэвийн явуулах нөхцөлөөр хангах, өр, авлагагүй ажиллах, санхүүгийн үйл ажиллагааг Нягтлан бодох бүртгэлийн Олон улсын стандарт, Монгол Улсын Төсвийн тухай хууль, Нягтлан бодох бүртгэлийн тухай хууль болон бусад холбогдох хууль эрх зүйн актад нийцүүлэн зохион байгуулах, удирдлагыг үнэн зөв мэдээллээр хангах, санхүүгийн үйл ажиллагааны тайлан баланс, бусад мэдээ тайланг хуулийн хугацаанд нь тайлагнах, ил тод байдлыг хангах, байгууллагын өмч, хөрөнгийн бүртгэл, бараа материал, үндсэн хөрөнгийн хадгалалт, хамгаалалт, ашиглалт, зарцуулалтад хяналт тавих чиг үүргийг хэрэгжүүлнэ.

Албан тушаалтны танилцуулга

Эмнэлгийн тусламж, үйлчилгээний чанар, аюулгүй байдлыг хангах, эмчилгээ, оношилгооны чанарт хяналт тавих, мэргэжлийн арга зүйгээр хангах, үйлчлүүлэгчдэд ээлтэй орчин бүрдүүлнэ.

Төвийн эрүүл мэндийн тусламж, үйлчилгээний эрсдэлийг бүртгэх, эрэмбэлэх, эрсдэлийн шалгуур үзүүлэлтийг батлах, үнэлэх, хариу арга хэмжээг төлөвлөж хэрэгжүүлэх, эрсдэлээс урьдчилан сэргийлэх чиглэлээр албан хаагч, үйлчлүүлэгчдэд соён гэгээрүүлэх арга хэмжээг зохион байгуулах чиг үүргийг хэрэгжүүлнэ. Энэхүү албаны бүтцэд Халдварын сэргийлэлт, хяналтын баг ажиллах бөгөөд халдварын сэргийлэлт хяналтын чиглэлээр мөрдөж буй хууль, тогтоомжийн биелэлтийг хангуулж, хяналт тавих, үйл ажиллагааны онцлогт тохирсон халдварын сэргийлэлт, хяналтын төлөвлөгөөг батлуулан хэрэгжүүлэх, эмнэлгийн тусламж, үйлчилгээний явцад үүсэх халдварын эрсдэлт хүчин зүйлсийг тогтоох, судлах, үнэлэх, урьдчилан сэргийлэх, ариутгал, халдваргүйтгэл, хог хаягдлын аюулгүй устгалыг хийх, эмнэлгийн халдвар хамгааллын дэглэмийг хэрэгжүүлэх, халдвар. хамгааллын шинэ арга, технологийг нэвтрүүлэх, зөвлөмж өгөх, сургалт хийх, дотоод халдварын тандалт хийж бүртгэл мэдээллийн сан хөтлөх үүргийг хүлээнэ.

Албан тушаалтны танилцуулга

Үндэсний хэмжээнд сэтгэцийн өвчин, эмгэгийн статистик мэдээ, мэдээллийг цуглуулах, дүн шинжилгээ хийх, тайлагнах, салбарын болон салбар дундын мэдээний сан бүрдүүлэх, бүртгэл, мэдээллийн талаар сургалт зохион байгуулах, бүртгэл мэдээллийн үнэн зөв байдалд хяналт тавих, цахим бүртгэлийн үйл ажиллагааг хариуцах чиг үүргийг хэрэгжүүлнэ.

Сэтгэцийн өвчин, эмгэгийн тандалтын тогтолцоог бүрдүүлж, өвчлөл, тархалт, нас баралт, эмчилгээний үр дүнг тандан судалж, судалгаа, эрдэм шинжилгээний ажлыг гүйцэтгэн шийдвэр гаргагчдыг нотолгоонд суурилсан мэдээ, мэдээллээр хангах, хүн амын дунд сэтгэцийн өвчин, эмгэгээс урьдчилан сэргийлэх мэдээлэл, сурталчилгаа, нөлөөллийн үйл ажиллагааг хариуцана.

Албан тушаалтаны мэдээлэл

Байгууллагын төсөв, орлого, зарлагыг төлөвлөх, үйл ажиллагааны өртөг, үйлчилгээний үнэ тарифыг тооцох, санхүүгийн тайланд эдийн засгийн дүн шинжилгээ хийж удирдлагыг мэдээллээр хангах, орлого нэмэгдүүлэх, зардлыг оновчтой зарцуулах арга хэмжээ авах, эдийн засаг, санхүүгийн асуудлаар тасаг, нэгжүүдэд арга зүйн зөвлөгөө өгөх чиг үүргийг хэрэгжүүлнэ.

Албан тушаалтны мэдээлэл

Мэдээллийн технологийн зөөлөн болон хатуу дэд бүтцийг бэхжүүлэх, өдөр тутмын хэвийн үйл ажиллагааг хариуцах, цахим системийн хэвийн үйл ажиллагаа, кибер аюулгүй байдал, нууцлалыг хангах, мэдээний сангийн бүрдүүлэлт, хадгалалтыг хариуцах, нэгжүүдэд арга зүйн зөвлөгөө өгөх, мэдээллийн технологийн талаарх албан хаагчдын мэдлэгийг сайжруулах дотоод сургалт зохион байгуулах чиг үүргийг хэрэгжүүлнэ.

Албан тушаалтны мэдээлэл

Барилга байгууламж, эд хогшил, автомашин, эмнэлгийн тоног төхөөрөмж, мэдээлэл, холбооны тогтвортой, аюулгүй ажиллагааг хангах, засвар үйлчилгээ хийх, тоног төхөөрөмж, багаж хэрэгслийн аюулгүй ажиллагааны журмыг мөрдүүлнэ. Эмнэлгийн үндсэн үйл ажиллагаа (угаалга, гал тогоо, тээвэр, хамгаалалт, цэвэрлэгээ)-г хэвийн явуулж, тасаг нэгжийн тохижилт, ногоон байгууламжийн арчилгаа, цэвэрлэгээ хийх чиг үүргийг хэрэгжүүлнэ.

Төвийн хэмжээнд сувилахуйн тусламж, үйлчилгээг нэгдсэн удирдлага зохион байгуулалтаар хангаж, гардан үйлдлийн стандарт, заавар, журмыг мөрдүүлэх, сувилахуйн хүний нөөцийн ур чадварыг тасралтгүй дээшлүүлж, шинэ арга технологи, инновацыг нэвтрүүлэх, хүртээмжийг нэмэгдүүлэх чиг үүргийг хэрэгжүүлнэ.

Үйлчлүүлэгчийг угтах, лавлах, мэдээллээр хангах, зөвлөгөө, дэмжпэг үзүүлэх, үдэх, чиглүүлэх үйл явцыгхариуцан, хүчирхийлэлд өртсөн үйлчлүүлэгчид тусламж, үйлчилгээ үзүүлж, нууцлалыг хадгалан, хууль хяналтын байгууллагад мэдээлэх, тусгай хэрэгцээт, хөгжлийн бэрхшээлтэй үйлчлүүлэгчдийн ялгаатай хэрэгцээнд нийцсэн харилцааг бий болгох, цахим технологийг ашиглан үйлчилгээг хугацаа алдалгүй үзүүлэх боломжийг бүрдүүлэх, үйлчлүүлэхээр ирсэн үйлчлүүлэгчид тусгайлан хандаж, харилцах, үйлчлүүлэгчийн хэрэгцээг тодорхойлон ээлтэй орчинд эрүүл мэнд, нийгэм-сэтгэл зүйн үйлчилгээнд хамруулах чиг үүргийг хэрэгжүүлнэ.

Сэтгэц-нийгмийн эрүүл мэндийн чиглэлээр олон улсын шинэ туршлага, дэвшилтэт технологийг нэвтрүүлэх, арга зүйн зөвлөгөө өгөх, эрдэм шинжилгээ, судалгааг хөгжүүлэх хурал, сургалт, семинар, зөвлөгөөн зохион байгуулж үр дүнг түгээн дэлгэрүүлэх чиг үүргийг хэрэгжүүлнэ.

Байгууллагын гадаад харилцааг хөгжүүлэх, олон улсын байгууллагуудтай үр ашигтай хамтарч ажиллах чиглэлээр төсөл, хөтөлбөр боловсруулах, хэрэгжүүлэх, хамтын ажиллагааны гэрээ байгуулах ажлыг зохион байгуулах, төсөл, хөтөлбөрийн хүрээнд байгууллагын материаллаг баазыг бэхжүүлэх, олон улсын эрдэм шинжилгээний хурал, сургалт, семинарт оролцох, өөрийн оронд зохион байгуулах ажлыг хариуцах үүрэгтэй. Мөн сэтгэцийн эмгэг судлалын чиглэлээр эмнэлгийн мэргэжилтний төгсөлтийн дараах сургалт эрхлэх үйл ажиллагааг нэгдсэн зохион байгуулалтаар хангаж, хяналт тавина.